PRAULO GENEALOGIA  RETEJO

		Prauloj de Wanda venis antaŭ ducent jaroj el Vurtembergo (1804) kaj ekloĝis en la urbo Stryj en Galicio, poste ili vivis en Jagielona Grodek. Adamo Knobloch skribis en 1818 en sia letero de Stryj al Kusterdingen, el kiu li devenis: Ich habe mich entschlossen, mein Glück in Galizien zu machen (mi decidis serĉi mian feliĉon en Galicio). Kaj verŝajne li ĝin trovis. Liaj idoj konvertiĝis al katolikismo kaj plene enradikiĝis en la polan kulturon kaj historion. Jozefo Knobloch, la patro de Wanda, en 1918 kiel 16-jara knabo kaptis karabenon por defendi la polecon de Lvovo. Kune kun li batalis lia fratino kaj kelkaj gekuzoj.
				Vurtembergo

     En la aŭstra Galicio la pola lingvo estis ĝenerale instruata en lernejoj, dum en la prusaj Grandpolio kaj Silezio estis malpermesite al infanoj interparoli pollingve dum paŭzoj. Pro pollingva recitado de preĝo infanoj en Września estis batataj, kaj Nepomucena Piasecka (de hejmo Rajewicz), la parencino de Eduardo, estis juĝe kondamnita, pro ilia defendado. Kiam en renaskiĝinta Pollando oni komencis organizadi polan lernejsistemon en Grandpolio, Supra Silezio kaj Vistula Pomeranio, Bronislava Knobloch tuj iris al Silezio kaj Mikaelo Knobloch al Września, por ebligi al polaj infanoj instruadon en la gepatra lingvo.

		Familio de Eduardo devenas el la Regiono de Leŝno. Parto de liaj prauloj apartenis al la eklezio de la ĉeĥaj fratoj. Persekutataj de Habsburgoj, kune kun la granda pedagogo Johano Amoso Komenský ili serĉis en 1628 rifuĝejon en Pollando. Pollando gastigis ilin, tamen ne permesis uzi la polan lingvon por liturgiaj celoj kaj predikado, timante ke polaj katolikoj povas konvertiĝi al ilia kredo. Tio kaŭzis, ke la ĉeĥaj fratoj ligiĝis kun germanaj evangelianoj kaj kun tempofluo tute germaniĝis. Plimulto el ili en la pasinta jarcento forlasis Pollandon. Restis nur tiuj, kiuj konvertiĝis al katolikismo.
Grandpolio

   Ni konsciis, ke ie en la mondo vivas multego da niaj foraj kuzoj, kiuj por ĉiutago parolas aliajn lingvojn kaj dimanĉe preĝas en alikonfesiaj preĝejoj. En 1976 Eduardo komencis registri genealogion de niaj prauloj. Nun, kiam en la tuta mondo populariĝis Interreto, ni decidis pere de ĝi trovi tiujn forajn gekuzojn kaj kune vagadi spure de niaj komunaj prauloj. Informoj pri gentoj de niaj komunaj prauloj troviĝas ankaŭ en niaj ceteraj retejoj: Foraj Kuzoj el Eŭropo http://worsten.org , Alleum http://alleum.org kaj Worsten http://gento.worsten.org . En nia retejo Eŭroponto http://europonto.org  vi trovos informojn pri Eŭropa Komunumo, en kiu vivas diversaj branĉoj de niaj gentoj. Niaj prauloj interrilatadis en siaj hejmoj pole, germane aŭ ĉeĥe. Kune ili povas estis difinataj nur kiel Eŭropanoj. Tial sur niaj retpaĝoj senĉese flirtas flago de la unuiĝanta Eŭropo.

Aktualigo: aprilo 2008	Bonvolu skribi al Vanda & Eduardo		Kodado: unikodo UTF-8
Aktualizacja: kwiecień 2008	Napisz do Wandy i Edwarda		© Edward Wojtakowski 2005